Foma Hed of Stet, Kalkot Mataskelekele blong ripablik blong Vanuatu i eksplenem 17A mo 17B.

Sam Dan Avock i talem se taem i kat instabiliti, seves deliveri ino kasem ol rimot eria blong Vanuatu.

Bae yumi askem kwestin, diskas, dibet, tok strong, joen han o serseraot be lo en blong hem Vanuatu emi blong yu mo yu nao bae yu jusum rod blong hem lo 29 May

Prinsipol blong Mai’ara we hemi misis Alison Jales i harem yangfala student ya i tokbaot referandom mo i sapraes bikwan long hem. Prinsipol i faenem aot se papa blong Mai’ara nao i storian long hem tru long ol infomesen we i kasem long wok blong 2024 Referendum grup.

Prinsipol blong Luganville International School ya i kontactem papa blong Mai’ara mo i arenjem blong komunikesen tim blong Referendum 2024 oli kat wan Zoom awenes sesen wetem ol studen long klas blong Mai’ara blong oli mekem sam aktiviti long saet blong referandom.

Ol pikinini tu oli andastanem wanem we i stap hapen, yumi nid blong staon kwaet nomo mo eksplenem gud long ol man bae oli andastanem.

Olsem we kavman i bin putum se 29 May emi day blong vot, i kat klosap lo 6 dei i stap kasem taem ya. Bae evri awenes blong Referandom bae i stop long Mande 27 May.

Mek use lo taem ya blong ansarem ol kwestin we yu kat long 17A mo 17B. Bae awenes emi klos be yu save kasem ol infomesen blong Vanuatu Elektrol Ofis yet lo saet blong eleksen.

Minista Ralph Regenvanu tete bae i mekem awenes long 2pm long nakamal blo Fareavau vilej long aelan blong Nguna.

Minista Ralph hemi talem se i kat 7 dei i stap kasem dei blong vot long 29 Mei mo i kat 5 dei nomo i stap we loa i kivim blong mekem awenes mo bae hem i no stop kasem taem ya.

Minista i bin mekem histri taem hemi fes memba blong palemen we i sponsaren dibet blong fes referandom blong kantri ya long manis blong March