450-man mo woman Vanuatu we oli liv mo wok lo komiuniti blo Tauranga lo North aelan blo New Zealand oli bin lisen gud long ol aweanes long saed blo referandom we deputi Praem Minista, Matai Seremaia mo tim i ko mekem.
Ples blong aweanes i smol tumas, mekem se sam man i mas stanap aotsaed blo harem ol toktok, andastanem gud mo tu askem ol kwestin blo save moa.
Tauranga wetem Te Puke oli wan long ol men eria we plante man Vanuatu oli stap lo em. Vanuatu komiuniti asosiesen emi aktif gud lo eria ia blo promotem mo okanaesem ol sosel iven olsem.
