Jeaman blong Vanuatu Christian Council, Pasta Collin Kaleb i se long las manis ol infomesen blong referandom we i kamaot lo samfala grup i mekem ol man i stat blo konfius.
Hem i klat tumas we ol awenes tim i bin kam storian wetem mama blong hem lo haos.
“Mi bin stat blong kat konsen se sapos mi mi fasfas be emia mama blong mi bae i hat wantaem! Naoia mama blo mi i andastanem gud ol amenmen blo 17A mi 17B mi harem mi klat. Ol amenmen ya oli simpol nomo blo andastanem.”
